Mine beste tips til å bli ein betre løpar


Frå Portugal / Alfamar/Algarvekysten i 2017. Her trena eg litt meir enn i dag. Kan forøvrig anbefale denne staden.

Tidleg start:
Eg starta tidleg å springe, men det var langrenn som fanga interessa mi aller først. Eg deltok på karusellrenn allereie som 6-7 åring og konkurrerte heilt til eg blei 17 år. Mitt beste resultat er 10. plass i Norgescupen og 21.plass i Junior NM. Men så fanga også friidretten meg tidleg. Då eg var 10 år deltok eg på mitt første løp. Etter det balla det på seg og det enda med at eg valde å satse 100% på løping og mellomdistanse. 

Eg var tidleg ein sterk og hurtig løpar, så eg sprang ganske så kjapt frå 100 til 400meter lenge, men etter kvart fanga 800/1500meter meg meir og meir. To distansar som krev det meste; hurtighet, styrke, spenst, teknikk og sjølvsagt uthaldenheit. Ja, og så for å ikkje gløyme rein vilje og stayer evne. 

Frå tidlegare tider. Her løpte eg 1500meter i Europamesterskapet i Munchen i 2002.

Krev at du spring:
Å bli ein god løpar krev at du spring. Løping krev i tillegg at du har ein effektiv / løpsøkonomisk teknikk og uthaldenheit (iallfall viss du vil løpe litt lenger enn sprint). I tillegg krev det ein løpssterk kropp som tåler belastninga. For er det noko springing er, så er det belastande. Du smell i bakken med heile kroppstyngda di, opptil fleire gonger, og det skal beina og resten av kroppen tåle. Difor er spesifikk styrketrening ved sidan av løpinga svært viktig og forebyggande.

Har du ein draum om å få opp løpeforma, så anbefalar eg ei allsidig treningsform. Då meiner eg allsidige treningsøkter innanfor sjølve løpsforma. Det vil seie rolige langturar, intervalltrening, progressive økter, litt hurtighet ( som stigningsløp midt i, eller etter ein langtur), styrketrening og sjølvsagt legge inn nokre økter som ikkje har med løping å gjere. Det er gunstig med tanke på å unngå skader. Langrenn er gull verd på vinteren, romaskina er flott når du er på treningsstudio, og det skadar heller ikkje å sykle innimellom på sommaren. 

Ute på tur med vesla då ho var baby.

Teknikk:
Trenar du fire gonger i veka er du langt på veg til ein god løpsform på sikt. Då ville eg lagt inn ei lang intervalløkt ( evt.progressiv løpetur), ei kortintervalløkt, rolig langtur og ei økt med styrketrening. Du kan sjølvsagt kombinere langturen med styrke etterpå, men etter mi meining skadar det ikkje å køyre ei rein styrketrening der du har energi og fokus på sjølve styrken.

Løpeteknikken er viktig for å springe effektivt, men vi har alle vår eigen teknikk. Og eg meiner at vi ikkje skal tulle for mykje med slik vi er. Likevel er det nokre haldepunkt som kan gjere oss betre. Eit eksempel er å stoppe midt i langturen, og finne seg ei flate. Her kan du  løpe stigningsløp der du fokuserer på teknikken.

TIPS:
1. Utgangsposisjon – god haldning

Reis deg opp så du står med ei stolt haldning. Hald blikket framover. Len deg lett framover, og kjenn at du balanserar på forfoten.

2. Høgre frekvens

Høg nok frekvens er heilt nødvendig for å klare å lande med foten under kroppens tyngdepunkt – og det enklaste tipset for å få ein betre teknikk. 

3. Retning og armbruk

Armsvingen din er viktig, den kan brukast aktivt til å justere og halde oppe frekvensen på steget ditt. Bruk blikket for å halde på utgangsposisjonen din. Knyt hendene lett, hald armane i 90 graders vinkel i albogeleddet, og la armane pendle rett fram og tilbake. 

4. Kneløft

Løftar du knea høgre aukar du sjansen for at du klarar å lande med foten under kroppen. Tenk at foten skal gå i ein sirkulær bevegelse, som eit hjul. 

LYKKE TIL!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s